Tamén participará persoal da investigación e divulgación das seguintes entidades e institucións vinculadas á actividade científica:

• Cátedra Emalcsa-UDC
• Facultade de Ciencias da UDC
• Escola de Enxeñeiros de Camiños da Universidade da Coruña
• Centro Interdisciplinar de Química e Bioloxía (CICA)
• Centro de Investigación en TIC (CITIC)
• Centro Oceanográfico da Coruña
• Instituto de Investigacións Biomédicas da Coruña (INIBIC)
• Fundación IMQ San Rafael
• Servizo Municipal de Educación da Coruña
• Asociación Luzada da USC
• Axencia Galega de Sangue, Órganos e Tecidos

O programa inclúe outras actividades paralelas da man da Asociación Galega de Xadrecistas-AGAX, a Agrupación Astronómica Coruñesa Ío, Bricolabs, Incude, UDCiencia d+i, ademais dun concerto da Banda Municipal da Coruña ás 12.00 horas e un espectáculo de monólogos científicos da man da Ciencia Calidade partir das 17.30 horas.

Os Museos Científicos Coruñeses celebran este día cunha xornada de portas abertas nos seus tres centros, a Casa das Ciencias, a Domus e o Aquarium Finisterrae: 

• Aquarium Finisterrae: imprescindible reserva de entradas, cun máximo de 3 días de antelación, online en  https://ticketing.coruna.gal/mc2/aq/
• Casa das Ciencias e Domus: acceso libre, sen reserva previa
• Sesións do Planetario na Casa das Ciencias: imprescindible retirada de invitacións, desde media hora antes de cada sesión,  na recepción do museo.