Uso de cookies en las páginas web del Ayuntamiento de A Coruña

En las páginas web municipales utilizamos cookies propias y de terceros para mejorar nuestros servicios mediante el análisis de sus hábitos de navegación. Si continúa navegando, consideramos que acepta su uso. Puede obtener más información, o conocer como cambiar la configuración, en nuestra página de "Normas de uso".

Ayuntamiento de A Coruña

  • Compartir
  • Añadir a mi móvil | 
  • Imprimir

Cuándo:

8 de noviembre de 2019

O Pleno aproba os cambios fiscais que permitirán que as persoas sen recursos non pague polos servizos básicos

A Corporación leu unha declaración institucional de condena das violencias machistas con motivo da celebración o 25 de novembro do Día Internacional da Non Violencia de Xénero. As concelleiras e os concelleiros mostráronlle o seu apoio ao persoal traballador de Isowat polo peche definitivo da factoría anunciado durante a realización da sesión plenaria. O Goberno local poñerá en marcha a Mesa da Cidade Vella para impulsar o Plan de revitalización do centro histórico.

A Corporación aprobou hoxe, a pesar da abstención do Partido Popular, as modificacións das ordenanzas fiscais que entrarán en vigor en 2020 co obxectivo de lles garantir ás persoas sen recursos o acceso aos servizos básicos. O portavoz do Partido Socialista, José Manuel Lage, agradeceu o apoio de BNG, Marea Atlántica e Ciudadanos e comprometeuse a crear unha Mesa de Traballo para falar das ordenanzas, do aforro e da racionalización do gasto corrente. Lage sinalou que o Goberno local é respectuoso cos logros de anteriores executivos pero "reivindicamos o noso legado" e "a acción do Goberno é agora do PSOE".

O edil socialista lembroulle ao BNG que as súas propostas serán incluídas nos orzamentos porque "se están estudando medidas para aumentar a fiscalidade na apertura das casas de aposta, así como as rebaixas de impostos para aquelas persoas que se encontren en réxime de alugueiro social".

O impacto das bonificacións fiscais supoñerá, explicou Lage, unha diminución de menos de 145.000 euros nas arcas municipais e asegurou que "non son necesarios os estudos económicos nas modificacións do IAE".

As modificacións establecen unha cota cero e bonificacións nos servizos de depuración, saneamento, subministración de auga potable e na taxa de lixo para as persoas con menos recursos que están en risco de exclusión social e introdúcese "o dereito humano ao acceso á auga potable".

Todas as persoas que reciban o IPREM (537 euros/mes) ou outros subsidios de menor contía non pagarán por eses servizos e taxas e quen gañe 1,5 veces o IPREM (805 euros/mes) terá unha bonificación do 75% .

Co fin de primar a redución dos residuos, o Concello bonificará nun 50% as persoas ou entidades que instalen composteiros individuais ou comunitarios.

Lage sinalou que as ordenanzas "son responsables fiscalmente ao non poñeren en risco a política de ingresos; xustas socialmente, porque bonifican as persoas que teñen menos recursos e comprometidas co medio ambiente ao primar a redución de residuos".

Coa finalidade de mellorar a xestión diaria do concello modificaranse ordenanzas como a licenza de primeira ocupación, a de cemiterios, vaos, ocupación de vías públicas e medidas de sanidade preventiva relacionadas con animais de compañía.

O Pleno deulle luz verde á ordenanza fiscal núm. 54 reguladora do imposto sobre actividades económicas co cambio de categoría fiscal do lugar de Bens-Refinería que pasa da terceira á primeira. Este cambio supón ingresos de máis de 265.000 euros, xa que a refinería pagaralle á Coruña os mesmos impostos que Arteixo.

Por outra banda, a Corporación aprobou por unanimidade o expediente de modificación do anexo de subvencións nominativas do orzamento 2019. Trátase dun simple trámite, xa que non require cambios substanciais no obxecto dos acordos, para precisar e corrixir o obxecto do convenio co fin de evitarlles problemas ás entidades á hora de xustificar os seus gastos. A pesar de tratarse dun novo modificativo, "este non implica cambios nas contas", apuntou o voceiro socialista.

Por unanimidade tamén saíu adiante a ordenanza fiscal reguladora das contribucións especiais parar ampliar o Servizo de Extinción de Incendios por un importe de 1.136.437 euros; dos cales 1.022.793,41 son aboados polo consorcio de aseguradoras a través das contribucións especiais e o resto con cargo aos orzamentos.

O Plan municipal de prevención e defensa contra os incendios forestais do Concello contou co apoio da Corporación coa excepción do PP que se abstivo. Tras a exposición pública, o documento seralle enviado á Xunta para o informe preceptivo e, por último, será levado ao Pleno para a súa aprobación definitiva. O Plan deberá integrarse no Plan municipal de emerxencias que aínda está en fase de redacción.

O Goberno local anunciou, durante o debate da moción presentada polo PP, a creación dunha Mesa da Cidade Vella, na que se incluirán as propostas e achegas das distintas áreas municipais e dos grupos da Corporación co fin de impulsar con urxencia o Plan de revitalización do centro histórico. O edil de Urbanismo, Juan Díaz Villoslada, felicitou os membros da Corporación por "deixar de lado partidismos e non patrimonializar actuacións esenciais para o desenvolvemento urbanístico dunha cidade que necesita pactos para avanzar", dixo.

Doutra banda, o Goberno local quixo deixar clara a súa postura no tema dos terreos da Mestranza. Ante a moción conxunta de Marea e BNG na que se solicitaba a devolución gratuíta dos terreos ao Concello, Villoslada afirmou que o Goberno local buscará reducir a edificabilidade no ámbito das parcelas da Mestranza para lograr máis espazos públicos e zonas verdes para a veciñanza e, ao mesmo tempo, protexer o patrimonio histórico da cidade. Con todo, puntualizou que "queremos facelo en colaboración co Ministerio de Defensa e non abrir un proceso que dentro de anos supoña unha sangría económica para o Concello", en alusión á posible xudicialización do proceso de desenvolvemento urbanístico desta zona da cidade.

A moción de Ciudadanos para a creación dun Consello Municipal de Maiores logrou o apoio unánime da Corporación. Neste sentido, a concelleira de Benestar Social, Yoya Neira, asegurou que o Goberno traballa nun Plan de atención integral que inclúe varias medidas entre as que destaca a creación dun mapa e un censo de persoas en situación de vulnerabilidade que permita chegar a todo o mundo e "prestarlle axuda mesmo a aquelas persoas que non o solicitan". Impulsar o programa "Redeiras", solicitar a colaboración do Sergas, potenciar o traballo do voluntariado nos centros cívicos e poñer en marcha campañas de divulgación dos programas de axudas municipais son algunhas das accións que estuda a concellería.

A moción de Ciudadanos para garantir a seguridade viaria nos pasos de peóns foi aprobada por unanimidade. O concelleiro de Urbanismo, Juan Díaz Villoslada, asegurou que todas as medidas e actuacións para mellorar a seguridade viaria canalizaranse a través da Mesa pola Mobilidade e asegurou que o departamento de Infraestruturas realizou actuacións en 126 pasos de peóns. "Traballamos para recuperar a cidade para as persoas", dixo. Ademais, o Pleno comprometeuse a reforzar a iniciativa de Camiños Escolares Seguros e o programa "Paso a paso", postos en marcha polo anterior executivo.

Ademais, a moción para a defensa da igualdade de trato entre as parellas de feito e os matrimonios civís no acceso á pensión de viuvez foi aprobada cos votos do BNG, PP; PSOE e Ciudadanos e a abstención de Marea Atlántica. O Goberno local instará o Goberno a modificar a Lei da seguridade social co fin de que as parellas de feito poidan acceder á pensión de viuvez nas mesmas condicións que os matrimonios civís. Na sesión de hoxe, os nacionalistas presentaron unha moción para a defensa dos dereitos das e dos emigrantes que contou co apoio de todos os grupos a excepción do PP.

O Pleno instará a Xunta a impulsar políticas que lle aseguren o dereito a un traballo digno en Galicia á mocidade e a crear as condicións que favorezan o retorno das persoas emigrantes. Doutra banda, o Pleno por unanimidade demandarlle á Xunta que dote de máis recursos os centros de planificación e orientación familiar do Ventorrillo e Orillamar e incremente os recursos económicos destinados a loitar contra a violencia de xénero. O acordo inclúe solicitarlle ao Goberno que introduza o concepto de consentimento para mellorar a tipificación e o tratamento da violación a nivel penal para acabar con esta lacra social.

Durante o debate da moción presentada polo BNG, a concelleira de Benestar Social, Yoya Neira, criticou a postura dos populares e acusounos de "branquear determinados discursos". A concelleira insistiu en pedir "máis unidade de feito, non só compromisos no papel" e en poñer en marcha unha reforma do Código penal e a Lei de axuizamento, así como máis formación das/os maxistradas/os en materia de violencia machista e maior implicación do persoal docente.

Os votos do PSOE, BNG, Marea Atlántica e Ciudadanos serviron para lle dar luz verde á moción en defensa do ensino público e denunciar os recortes de profesorado para a atención á diversidade que se vive nos centros educativos da cidade. Neste sentido, o concelleiro de Educación, Jesús Celemín, pediulle ao Goberno autonómico que "non escatime esforzos nin recursos para conseguir unha educación publica de calidade".

Pola súa banda, Partido Socialista e Partido Popular rexeitaron a moción da Marea Atlántica que instaba o Goberno a impulsar unha Lei de amnistía para os presos condenados na sentenza do 14 de outubro de 2019. O portavoz do grupo municipal socialista afirmou que en "España non hai presos políticos", e que os socialistas "somos firmes defensores do Estado e da súa división de poderes". Acusou o Partido Popular de seguir "negando a plurinacionalidade de España" e advertiulless que non tolerarán "ningunha lección na defensa da Constitución".

Por último, a moción en apoio e recoñecemento ao labor que realizan en Cataluña as forzas e corpos de seguridade do Estado e Policía Autonómica foi aprobada cos votos do PP, Ciudadanos e PSOE que mostrou o seu malestar pola negativa do PP para aceptar unha emenda de Ciudadanos para condenar os actos violentos do CDR catalán. A pesar do seu apoio á moción dos populares, Lage acusou a Beatriz Mato, "de facer un mitin electoral" e lembroulle que os actos do 1 de outubro ocorridos en Barcelona foron consecuencia da pasividade do Goberno de Mariano Rajoy, que "non garantiu a seguridade da cidadanía nunha situación que se vía vir".

Buscar más noticias

Webs municipales

Encuentre todas las webs y perfiles oficiales del Ayuntamiento de A Coruña.

  • Ayuntamiento de A Coruña
    • Ayuntamiento de A Coruña | Concello da Coruña.
    • Plaza de María Pita, 1. 15001 A Coruña.
    • 981 184 200 o desde dentro del término municipal al teléfono de atención 010
¡Tienes un navegador demasiado antiguo!

Lo sentimos pero tu navegador es muy antiguo para poder mostrar esta página. Debes de actualizarlo o usar un navegador compatible. Hemos optimizado esta web para Google Chrome, Mozilla Firefox, Safari y Microsoft Internet Explorer 10 o superior. Instalar ahora un navegador compatible

?