Con motivo da conmemoración o próximo 2 de maio do Día Internacional contra o Acoso Escolar, Aldeas Infantís SOS alerta de que o acoso nas aulas condiciona o desenvolvemento de cada vez máis nenos, nenas e adolescentes e xera un profundo sufrimento.

Este día ten como obxectivo sensibilizar as persoas a escala mundial sobre o problema da violencia nas aulas e o ciberacoso, as súas consecuencias e a necesidade de poñerlles fin. Tamén fai un chamamento ao alumnado, os pais e nais, os demais membros da comunidade educativa, as autoridades encargadas da educación e sectores como o das tecnoloxías, a poñer atención a este problema e contribuír á prevención da violencia en liña, coa intención de garantir a seguridade e o benestar de nenos, nenas e novas.

Pódese consultar máis información a respecto disto en:

• Acoso escolar: que é e como poñerlle fin
• BULLYING Ou ACOSO ESCOLAR