Novo ciclo de encontros participativos do programa Biblioteca Verde
Inauguramos un novo ciclo de actividades enmarcadas dentro do programa Biblioteca verde: encontros participativos
Este ano, mergullámonos no mundo da natureza que nos rodea, cun enfoque especial na nosa contorna máis próxima: os nosos barrios.
Baixo o título "Naturaliza o teu barrio", exploraremos diversos aspectos vinculados ao coñecemento e aproveitamento da contorna natural na Coruña.
Actividades Destacadas
Bosques comestibles : mergúllate na riqueza dos nosos bosques máis próximos. Exploraremos formas de aproveitamento natural, minimizando a intervención humana e abordando a ameaza constante dos incendios forestais na nosa comunidade.
Plantas medicinais: pasado, presente e futuro : aprende sobre o uso de plantas medicinais, combinando saberes tradicionais co coñecemento científico. Descubre como estas plantas poden beneficiar a nosa saúde e benestar.
Recoñecendo as aves da contorna : emocionante percorrido polas aves que habitan o noso barrio da Sagrada Familia. Acompañados por especialistas, exploraremos as rutas que nos revelan a diversidade avícola desta zona.
Onde e cando?
As actividades terán lugar en distintas bibliotecas municipais, así como en diferentes zonas da Coruña. Consulta o noso calendario para coñecer datas e localizacións específicas.
Participa e conecta coa natureza:
Convidámoste a participar activamente nestas experiencias enriquecedoras. Conecta coa túa contorna natural, descubre a súa beleza e aprende como coidala para as xeracións futuras.
Actividade fóra de programa
Co obxectivo de contribuír á información e proxección social das orcas e a súa problemática, CEMMA e a Fundación Banco de Santander lanzan o Proxecto Amigas: orcas (FriendSHIP: orcas).
Durante dous anos desenvolvéronse materiais para informar sobre a súa bioloxía, crearanse canles de comunicación entre navegantes e persoal científico e deseñaranse materiais de impacto social para difundir a necesidade de conservación deste pequeno grupo de orcas que habitan a costa ibérica.
Para profundar neste proxecto, organizamos a charla Amigas candorcas . Nesta charla os ilustradores Manel Cráneo, Emma Ríos e Tokio presentarán os seus traballos dentro do material divulgativo deste proxecto.
Tamén che pode interesar
Tamén che pode interesar
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible