- Inicio
Información Xuvenil
Os espazos municipais de información xuvenil do concello da Coruña, enmárcanse no servizo de Mocidade, dentro da área de Igualdade, Benestar Social e Participación. Caracterízanse por unha serie de trazos que os fai singulares e defíneos como instrumentos para facilitar a autonomía persoal da mocidade e para ofrecerlles unha atención integral e de calidade. Fronte a un modelo centralizado, o Concello da Coruña aposta pola descentralización dos servizos de información xuvenil e polo achegamento á mocidade, convertendo a dimensión territorial nun eixe estratéxico que permita a creación dunha nova relación co sector xuvenil na súa dimensión máis ampla.
Coñece a Rede de Información Xuvenil
A rede de espazos de información xuvenil da cidade caracterízase por ser centros xeneralistas nos que a xente nova pode atopar toda a información que necesitan: educación, lecer e tempo libre, mobilidade, asociacionismo, vivenda, emprego... Tamén contemplan asesorías especializadas, de centros de interese que, no transcurso dos anos, resultaron de máximo interese para as/os mozas/os da cidade.
Realizan, ademais, un traballo transversal que se desenvolve non só con outras áreas do Concello, senón tamén coas entidades xuvenís, asociacións e colectivos da cidade sendo un espazo que ofrece, ademais de información, recursos especializados atendidos por persoal cualificado e unha atención que oriente e acompañe á mocidade na toma de decisións.
Non perdas
Actualidade
-
Bolsas e axudas para o curso 2024-2025 da Fundación Ábaco
Inscricións:
Ata o 15/06/2024
A Fundación Ábaco convoca axudas reintegrables ao estudo para alumnos que durante o curso académico 2024/2025 realicen estudos nos niveis de educación infantil, primaria, secundaria, bacharelato e Formación Profesional.
-
Ciclo de literatura "Somos o que lemos"
Cando:
08/05/2024
O ciclo de literatura "Somos o que lemos" da Fundación Luis Seoane é unha proposta coordinada por Javier Pintor que achega ao público a actualidade do panorama literario convidando aos seus protagonistas a participar nunha serie de presentacións de acceso libre que buscan establecer unha conexión entre autoras/es e lectores/as. Este mes Emilio González Ferrín falará do seu libro "¿Qué es el islam?".
-
Bolsa de emprego de arquitectas técnicas e arquitectos técnicos do Concello de Porto do Son
Inscricións:
Ata o 08/05/2024
Proceso selectivo, mediante o procedemento de concurso-oposición, para a formación dunha bolsa de emprego para o nomeamento de persoal funcionario interino (grupo A, subgrupo A2): Arquitecto Técnico ou Arquitecta Técnica.
-
10 bolsas María Teo de formación no Instituto das Mulleres
Inscricións:
Ata o 22/05/2024
O Ministerio de Igualdade convoca bolsas no Instituto das Mulleres para contribuír á formación en materias dirixidas a fomentar a igualdade real e efectiva entre mulleres e homes; a participación das mulleres na vida política, social, cultural e económica; e a eliminación de toda clase de discriminación por razón de sexo.
-
Certame literario Antón Tovar
Inscricións:
Ata o 20/05/2024
O Padroado do Museo da Limia (Vilar de Santos) convoca o Certame Literario "Antón Tovar" en prosa e verso, con motivo do 20º cabodano do pasamento do poeta limiao.
-
Certame de Microrrelatos Día do Libro 2024
Inscricións:
Ata o 31/05/2024
O Concello de Vilalba, coa colaboración de Culturalia GZ, convoca o VI Certame de Microrrelatos polo Día do Libro 2024.
Tes un navegador demasiado antigo!
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible